Zhvillimet në median shqiptare kanë evidentuar si një nga problemet e saj më serioze mungesën e një balance optimale midis lirisë së shprehjes dhe mbrojtjes së privatësisë. Ndërsa vihet re një ndjeshmëri e lartë për mbrojtjen e lirisë së shprehjes, dhe lirisë së medias në veçanti, nuk mund të thuhet se ekziston e njëjta ndjeshmëri për mbrojtjen e privatësisë. Të dyja këto janë të drejta themelore, por asnjëra nuk është absolute.
Duke pasur parasysh këtë kontekst, Instituti Shqiptar i Medias, me mbështetjen e Autoritetit të Medias Audiovizive, ndërmori një studim që evidenton kuadrin ligjor në këtë fushë, parimet etike ekzistuese, si dhe identifikimin e problemeve dhe prirjeve kryesore në këtë fushë në realitetin e medias shqiptare. Ky dokument rreket t’u vijë në ndihmë profesionistëve në fushën e medias (gazetarë, redaktorë, etj.) të kuptojnë çelësin e bashkëjetesës dhe të arrijnë të sigurojnë balancën e nevojshme midis këtyre të drejtave dhe lirive kushtetuese, gjatë ushtrimit të profesionit të tyre.
Ky projekt është mundësuar me mbështetjen financiare të Autoritetit të Mediave Audiovizive.