SCiDEV në kuadër të projektit “Festivali Kombëtar i të Drejtave Digjitale”, në bashkëpunim me nëntë organizata lokale në Shkodër, Tiranë, Pogradec, Fier dhe Vlorë, po kërkon të rinjë aktivë me interes për përmirësimin e të drejtave të njeriut në botën digjitale. Të rinjtë e përzgjedhur nga SCiDEV do të jenë pjesë e një trajnimi 4 javor, ku do të mësojnë çfarë janë të drejtat digjitale, cili është kuadri rregullator që cek ato; çfarë parashikon Rregullorja e Përgjithshme e BE-së për Mbrojtjen e të Dhënave; çfarë është siguria kibernetike, dhe hapa praktikë për të qenë më të sigurt në botën digjitale.
15 prej të rinjve pjesëmarrës në përfundim të
trajnimit do të kenë mundësi të bëhen pjesë e programit të Ambasadorëve
Digjital, të cilët do të angazhohen me SCiDEV, organizatat lokale të shoqërisë
civile në qytetet e tyre për të ndërgjegjësuar dhe rritur kuptueshmërinë e
komuniteteve lokale për këto çështje.
Nëse je një i/e ri/e i/e grupmoshës 15-29 vjeç
me vendbanim në Shkodër, Vlorë, Fier, Pogradec apo Tiranë, që vjen nga profile
studimi si shkencat sociale, drejtësi, teknologji informacioni dhe komunikimi
apo shkenca kompjuterike dhe dëshironi të bëheni pjesë e një grupi
dinamik të rinjsh me dëshirën për të mësuar më shumë për të drejtat digjitale
dhe për t’u përfshirë drejtpërsëdrejti në promovimin e tyre në komunitet,
aplikoni në formularin e mëposhtëm.
Aplikoni deri më 06 tetor 2023.
Festivali Kombëtar i të Drejtave Digjitale mbështetet nga projekti rajonal “SMART Balkans – Shoqëria Civile për Vlera të Përbashkëta në Ballkanin Perëndimor” zbatuar nga Qendra për Promovimin e Shoqërisë Civile (CPCD), Instituti për Demokraci dhe Ndërmjetësim, dhe Qendra për Kërkim dhe Politik-Bërje (CRPM) me mbështetjen financiare të Ministrisë së Punëve të Jashtme të Norvergjisë.