Në kuadër të “Skemës për Angazhimin e Rrjetit” me financimin e Fondacioni Anna Lindh – ALF – Rrjeti Shqiptar Qendra Epoka e Re organizon Konkursin Letraro-Artistik me titull “Labirinthi i Rrugëve të shkurtra-Rinia sot dhe nesër”.
Ky konkurs ka si synim t’i jap mundësinë të rinjve të Shkollave të Mesme në Bashkitë Fier, Patos, Mallakastër, Roskovec, Lushnje e Divjakë të shprehin talentin e tyre në letërsi dhe arte si dhe të shpërblehen me çmime simbolike dhe tri bursa studimi për maturantët në masat 50% dhe 60% pranë Universitetit Polis.
Për arritjen e marrëveshjes me Universitetin Polis u realizuan komunikime të vazhdueshme. Ky nuk ishte i vetmi institucion i arsimit të lartë i kontaktuar, por u përzgjodh për shkak të gadishmërisë dhe mbështetjes së vlefshme që ofroi. Me institucionin partner u vendos një marrëveshje bashkëpunimi që e konkretizonte këtë partneritet.
Përgjatë periudhës përgatitore u punua me dizenjimin dhe finalizimin e aspekteve të vizibilitetit për konkursin duke nxjerr dhe produktin final, posterin që shërbeu si metoda kryesore e shpërndarjes së informacionit mbi konkursin.
Konkursi u lançua më datë 9 Mars online në rrjetet sociale të Qendrës Epoka e Re dhe partnerëve e më pas u nda përmes postës elektronike edhe me Zyrat Vendore Arsimore përkatëse, me synim shpërndarjen e informacionit në përfitim të të rinjve.
Përgjatë kësaj periudhe ndarjet në rrjete sociale të konkursit kanë qenë të shumta.
Për dërgimin e punimeve për konkurrim u përcaktua si fillim data 24 Mars si afat i fundit por për shkak të kërkesave nga të rinjtë pjesëmarrës afati u shty deri më datë 10 Prill.