Lëvizja Europiane në Shqipëri (EMA), per Ditën e Europës 2025, po zhvillon një konkurs për artikuj.
Të gjithë të rinjtë, nga mosha 16-30 vjeç, ftohen të shkruajnë mbi vlerat europiane dhe rolin e BE-së në shoqërinë tonë, ose tema të tjera të lidhura me integrimin, demokracinë, të drejtat e njeriut, dhe më shumë. Inkurajohet thellimi në tematikat e mëposhtme (por jo të kufizuara në to):
- Identitete të ndryshme, vlera të përbashkëta: A qëndron ende e bashkuar Europa?
- Rinia dhe Politikat Europiane: Pjesëmarrja aktive e të rinjve në formësimin e BE-së.
- Liria dixhitale si “hapësirë” e përbashkët ndërveprimi midis të rinjve.
- Europa e Gjelbër: Si po ndërtohet identiteti europian nëpërmjet qëndrueshmërisë?
Për udhëzime të detajuara mbi menyrën e shkrimit dhe dërgimit të artikullit, mund të konsultoni
udhëzuesin e autorit në faqen zyrtare të EuroSpeak, te rubrika “Kontribuo në ES” ne kete link: https://
www.eurospeak.al/kontribuo-ne-es/
Artikujt më të mire do të vlerësohen me çertifikata mirënjohjeje gjatë një ceremonie që do të
mbahet së shpejti në kuadër të nje forumi diskutimi të organizuar nga EMA me rastin e Ditës së Europës. Për artikullin më të mirë do të ketë shpërblim monetar.
Ju ftojmë të dërgoni artikullin e plotë dhe një bio të shkurtër në gjuhën shqipe, në adresën info@em-al.org, deri më datën 4 Maj, 2025.
“Ndërtimi i Partneritetit mbi Çeshtjet Themelore: Fuqizimi i OSHC-ve për procesin e anëtarësimit në BE”, mbështetet financiarisht nga European Union in Albania – IPA Civil Society Facility 2021, dhe po zbatohet nga Lëvizja Europiane në Shqipëri (EMA) në bashkëpunim me Akademinë e Integrimit Europian dhe Negociatave (AIEN), Slovak Foreign Policy Association (SFPA) dhe Qendrën për Transparencë dhe Lirinë e Informacionit (CTFI).