Në kuadër të “Skemës për Angazhimin e Rrjetit”, me mbështetjen financiare të Anna Lindh Foundation, Qendra Progres dhe Zhvillim organizoi aktivitetin që ka si qëllim nxitjen dhe promovimin e vullnetarizmit tek të rinjtë.
Duke qënë se të rinjtë sot janë të qasur ndaj medias sociale dhe teknologjisë më shumë se në çdo periudhë tjeter, ky aktivitet u zhvillua si një fushatë në mediat sociale për nxitjen e vullnetarizmit, nëpërmjet disa postimeve. Postimi i parë u realizua në datën 9 Mars, i dyti me 16 Mars dhe i treti me datën 25 Mars. Realizimi i këtyre postimeve u bënë me qëllim që një pjesë e madhe e të rinjëve të informoheshin lidhur me mundësitë dhe programet e vullnetarizmit që Bashkimi Evropian ofron.
Në përfundim të këtij aktiviteti u realizua edhe një video që ka si qëllim ofrimin e informacionit më të detajuar, për funksionimin e programit ESC, rolin dhe mbështetjen që ofron Qendra Progres dhe Zhvillim, për të rinjtë që duan të jenë pjesë e proceseve vullnetare. Të rinjtë tanë që kanë shërbyer në programe vullnetarizmi u bënë pjesë e videos duke ndarë momente nga aktivitetet që ata kanë zhvilluar në kuadër të projekteve vullnetare, duke ndikuar tek të rinjtë të tjerë që duan të bëhen pjesë. Nëpërmjet videos informuese të rinjtë që janë të interesuar të jenë pjesë e praktikave të vullnetarizmit në vende të tjera, do të dinë ku të drejtohen dhe si të aplikojnë.