18 shtator 2020
1 në 4 kompani në të gjithë botën ndërpreu në mënyrë të menjëhershme reklamat sapo filloi pandemia, ndërsa thuajse gjysma e kompanive1 (46%) menduan që të ndërpresin shpenzimet për reklama deri në fund të gjysmës së parë të këtij viti, sipas Byrosë Interaktive të Reklamimit2 (IAB).
Ky është realiteti në makro, me të cilin iu desh të përballeshin mediat online në botë, përfshi edhe vendin tonë.
Ulja e ndjeshme e të ardhurave nga reklamat shkaktoi një krizë tjetër brenda krizës së madhe të financimit, me të cilën është duke u përballur tregu i mediave online në Shqipëri.
Në kushtet e mbijetesës, mjaft media online u detyruan që të shkurtojnë pagat për stafin apo edhe të ulin numrin e punonjësve me qëllim mbajtjen e redaksive ende në funksion.
Të dhënat nga tregu flasin për një rënie deri në 40 % të të ardhurave nga reklamat online në Shqipëri.