Pas sesionit të rrjetëzimit të organizuar nga Kreu i Rrjeti Shqiptar, në kuadër të Skemës së Angazhimit të Rrjetit II, anëtari i Rrjetit Shqiptar ALF, Qendra për Drejtësinë Gjinore në Shqipëri (CGJA) organizoi një takim shkëmbimi online me organizatën anëtare libaneze Leading Hands.
Të dyja organizatat punojnë në fushën e barazisë gjinore dhe fuqizimit të grave. Së bashku me aktivitetet e tjera, organizatat fokusojnë punën e tyre në ofrimin e informacionit dhe ndërgjegjësimin e të rinjve për barazinë gjinore, dhënien fund të dhunës ndaj grave dhe vajzave, duke i angazhuar ato vetë si agjentë të ndryshimit. Nisur nga kjo, takimi u zhvillua me temën “Angazhimi i të rinjve si mbrojtës të të drejtave të njeriut dhe të grave në Shqipëri dhe Liban”.
Takimit iu bashkuan 26 pjesëmarrës, staf dhe vullnetarë të të dyja organizatave, 13 pjesëmarrës nga secila organizatë (Shqipëri dhe Liban), të cilët u përqëndruan kryesisht në ndarjen e modaliteteve të përdorura nga të dyja organizatat për të rritur ndërgjegjësimin dhe nivelin e informimit të të rinjve për barazinë gjinore dhe dhënien fund të dhunës ndaj grave dhe vajzave. Organizatat ndanë edhe praktika pozitive në punën që kryejnë me të rinjtë në vendet përkatëse.
Diskutimet në takim sollën ide novatore se si të përfshihen më tej të rinjtë dhe të motivohen që të jenë agjentë të ndryshimit në fushën e barazisë gjinore.
Për më shumë informacion , klikoni linqet:
https://www.instagram.com/p/C3nUAnIt-b_/?utm_source=ig_web_copy_link&igsh=MzRlODBiNWFlZA==
https://www.instagram.com/p/C3ncXXHKV_n/?utm_source=ig_web_copy_link&igsh=MzRlODBiNWFlZA==