Anëtari i Rrjetit Anna Lindh Shqipëri, SCiDEV, hap thirrjen për skuadra studentore debatuese në kuadër të Edicionit të Pestë të Laboratorit të Debatit Universitar.
Në këtë edicion, 14 Universitete nga Tirana, Durrësi, Elbasani, Shkodra, Vlora, Korça dhe Gjirokastra do të përfshihen në një kompeticion debati, ku skuadrat përfaqësuese të çdo Fakulteti/Universiteti pjesëmarrës do të debatojnë mbi tema të lidhura mbi modelin social dhe zhvillimor te Shqiperisë me një fokus të veçantë në politikat rinore dhe ato arsimore.
Aplikantët individualë dhe skuadrat debatuese, të cilat do të përzgjidhen për t’u bërë pjesë e programit do të kenë mundësi të:
1. Trajnohen paraprakisht mbi tematikat dhe formatin e debatit si dhe mbi përdorimin efektiv të statistikave dhe burimeve.
2. Përfshihen në një kompeticion debati me skuadra debatuese nga 14 universitete të ndryshme në vend.
3. Të bëhen pjesë e rrjetit ALUMNI të Debatit Universitar.
4. Aplikojnë për të marrë pjesë në Forumin e dytë Rinor të Debatit, me në fokus politikat arsimore në vend.
5. Përiftojnë certifikatë pjesëmarrjeje nga programi.
Tre skuadrat më të mira do të përfitojnë çmime surprise, si dhe do të kualifikohen për t’u bërë pjesë e Fushatës “Nga Fjala Tek Veprimi”, ku do të kenë mundësinë të zhvillojnë kapacitetet kërkimore, advokuese si dhe lidershipin në drejtimin e nismave rinore komunitare.
Afati i aplikimit: 10 dhjetor, 23:59
Linku i regjistrimit: https://tr.ee/3vnRVGo2o-