Shoqata “Udhëtim I Lirë – Liberi di viaggiare” në kuadër të aktivitetit “Kavaja që DUA” me mbështetjen e fondacionit Anna Lindh Foundation, do të përfshiu të rinjtë e Kavajës, në përgatitjen e 4 videove ndërgjegjësuese mbi problematikat mjedisore me të cilat përballet komuniteti lokal.
Këto video u shfaqën përgjatë muajit Mars, duke targetuar sa më shumë të rinj dhe antarë të komunitetit lokal, me qëllim krijimin e modeleve pozitive për zgjidhjen e problematikave të ndryshme mjedisore.
“Kavaja që DUA” është një këndvështrim i të rinjve mbi mjedisin në të cilin duan të jetojnë dhe sesi disa nga problematikat mjedisore mund të gjejnë zgjidhje jo vetëm me mbështetjen e strukturave lokale përgjegjëse, por dhe vetë komunitetit të të rinjve dhe atij lokal.