Ditën e enjte, më 7 mars 2024, Kreu i Rrjetit Shqiptar ALF , me lehtësuese Monika Hanley, bashkëpunëtore në Qendrën për Literaturën Mediatike dhe Studiues aktual Fulbright në Institutin Shqiptar të Medias, dhe Michele Johnsen nga Ignite Global Good, eksperte e komunikimit strategjik dhe e Marrëdhënieve me Publikun, organizoi webinar-in për rritjen e kapaciteteve per OJF-të dhe OJQ-të.
Webinar-i zgjati afërsisht dy orë dhe pati gjithësej 12 pjesëmarrës.
Qëllimi kryesor i këtij sesioni për rritjen e kapaciteteve ishte të adresonte nevojën, veçanërisht për organizatat më të reja dhe më të vogla për të prodhuar mesazhe me ndikim dhe për t’i përcjellë ato në mënyrë efektive , duke marrë një informacion më të plotë mbi edukimin mediatik në prodhimin e përmbajtjes dhe aplikimet e inteligjencës artificiale për OJF dhe OJQ.
Webinari u krijua për të qenë pjesërisht interaktiv, duke përfshirë segmente pyetjesh dhe përgjigjesh, ku pjesëmarrësit mund të bënin pyetje në lidhje me materialet e përfshira në prezantim ose të ndanin përvojat e tyre me fushatat që mund të kishin bërë në të kaluarën, si dhe dinamikën e marrëdhënieve të tyre me median në shtetet e tyre.
Prezantimet përmbanin informacion praktik dhe të dobishëm për tema të tilla si: Çfarë duhet dhe nuk duhet të bëhet gjatë intervistave mediatike, pyetje kyçe dhe koncepte thelbësore në lidhje me kornizën e ndërtimit të produkteve të medias, të shoqëruara me shembuj dhe mjete që mund të jenë të dobishme për të qenë dhe për të qëndruar relevant, si Google Trends, krijimi i planeve strategjike për të qenë prezent në media, roli i emocioneve në fushata në varësi të mesazhit të ndarë etj.
Për të qëndruar të përditësuar mbi evente të ngjashme na ndiqni në rrjetet sociale:
https://www.instagram.com/alf.shqiperi/
https://www.facebook.com/alf.shqiperi/
https://al.linkedin.com/in/alfalbania
